Showing posts with label flieks. Show all posts
Showing posts with label flieks. Show all posts

Tuesday, September 16, 2008

Ek smyt my vreugde in jou gesig!

"Hurl your happiness in people's faces!"
Woorde uit die fliek 'Tigre y la Nieve' of dan 'Tiger in the snow' wat ons gekyk het die afgelope naweek.
Wat 'n wonder!
Dit is van dieselfde regisseur, van die ander wonderlike fliek 'Life is beautiful', weer met Roberto Benigni en Nicoletta Braschi, in die hoofrolle.
Tom Waits tree ook op daarin, ek het nog altyd van sy vreemde styl van musiek gehou.

Vandag wil blogger nie lekker vir my werk nie, links maak nie oop nie, foto's wil nie aanheg nie, niks wil werk nie, behalwe Youtube, wat nogal vreemd is!
Ek het soveel wat ek wil pos, maar dit sal maar moet wag.
Ek het baie gedink die afgelope paar weke, oor onregverdigheid in die lewe, mense wat preek oor die haat van sekere mense, maar dan haat hulle self ander groepe mense.
Mense wat oordeel, sonder dat hulle iemand persoonlik ken, mense wat stories versprei, waarvan hulle nie die feite ken nie, of selfs wanneer hulle dink dat hulle die feite ken.
Mense wat dink dat hulle intelektueel is en dan ander mense oordeel omdat hulle net 'gewoon' is, of dink hulle miskien 'kommin' is?
Hoekom is dit so dikwels reeds die mense wat die swaarste kry om aanvaar te word, wat moet veg om te wees waar hulle is, wat eerste klippe gooi, wanneer dit by die foute van iemand anders kom..
Ek sal seker nog baie hieroor wonder en tob en met myself veg, om altyd eers die balk uit my eie oog te haal, voordat ek die splinter uit die oog van 'n ander haal.

Tuesday, August 19, 2008

Musiek en My se Mamma


Ons het Mamma mia gaan kyk gisteraand en dit was 'n blast! Gaan kyk dit!
Dit is altyd 'n ondervinding om die fliek hier op die eiland te besoek. Dit het al gebeur dat hulle 'n fliek gekanseleer het omdat daar net twee mense in die fliek was.
Die keer het dit egter gewys en ons het voete getik/saam gesing en gelag.
Die Yank hou nie van muskiekblyspele nie en tot hy het dit geniet!
Ek is natuurlik mal oor ABBA se musiek, so ek het die fliek ekstra geniet, ek dink ook dat Meryl Streep wonderlik was in die fliek.
Die hele opset met die troue was so romanties, waarlik iets mooi.

Vir die wat hou van ABBA se musiek, kry sommer ook die video 'Muriel's wedding', ek het dit al male sonder tal gesien.
Die séding daarin: 'You are terrible Muriel' het al my en my suster se séding geword met die jare. :)

Monday, August 18, 2008

Perfekte naweek



Is 'n perfekte naweek,
die deel van 'n dag,
met die geruis van die see op die agtergrond,
met twee mense, wat
alreeds deur baie pyn in die lewe is en
uiteindelik geluk gevind het by mekaar...



die bruid se dogtertjie,
het blomblare gedra in die
soom van haar rokkie,
en sy het vir haar nuwe pa dankie gesé
vir sy liefde,
elkeen daar het so 'n bietjie gehuil...



(kyk ook hoe mooi hulle,
dit doen érens op 'n koue strand.)

of is 'n perfekte naweek
'n konsert
onder die sterre,
met ongelooflike mooi, polsende, Kubaanse musiek,
terwyl jy mojito's deel met jou geliefde..



of is dit die deel
van 'n mooi-mooi fliek,
soos 'A lovesong for Bobby Long'
op 'n snikhete, warm Sondag middag,
toegegooi met 'n kombers
en die lugverkoeler op sy koudste gestel,
sodat julle kan cuddle.



of is dit die vind
van 'n onderstebo
wéreld daar waar die voéltjies
kom suiker water drink...



want as dit is,
dan was myne
perfek....