goue oomblikke

Ek en die Yank
My Kersgeskenk glas teepot
met lieflike blom teeblare
jasmyn gegeur
sonstrale oor die kombuisteels
ryp vrugtekoek met amandels
diep gesels
die wonder van saam wees
nou en vir altyd.
deel ons die soet en die suur

woorde wat lewe gee 6

Ek: urgh, ek is so vet! In die nuwe jaar moet ek 'n plan maak!
Die Yank: You are not fat, only sweetly plump...

Ek sal jou vir ewig liefhe!

mmm

kleurpotlode, so sag soos botter.
glasteepotte met blombol teeblare.
magies vol.
Charlie Brown's Christmas.
It's a wonderful life.
liefde.
vrede.
laatmiddag sonstrale deur die venster.
stilte.
rus.
dankie.

God is liefde

vreugde

Joy to the world

dankie Here, dat U vlees geword het

eiland Kersfees in die nag

Ek was nog altyd meer van 'n aand/nag mens as 'n helder son in jou gesig mens. Die sagte kleure van die maanlig en kerslig maak my gelukkig en vredevol. Dit is 'n wonderwereld van liggies hier op die oomblik.

Bote, versier met liggies vir die hawe fees 'n paar dae gelede




Vensters in die nag, ek dink hulle wag net totdat almal gaan slaap, dan loop hulle rond in die winkels...


Staalpan orkes in die winkelsentrum, 'n groot geraas, maar hulle is baie goed en snaaks ook


Vrede in die strate. Een van die minder goeie dele van die dorp, maar selfs daar daal vrede neer 'n paar nagte voor Kersfees.


Vrede vir almal in hierdie tyd, wat ons Jesus se koms na hierdie klein aarde, herdenk.

kersfees in die son

Dit is steeds moeilik om gewoond te raak aan 'n warm Kersfees, ek wou nooit weer 'n warm Kersfees beleef, na ek 'n koue Kersfees geproe het nie. Die lewe loop egter vreemde draaie met ons.
Dit voel nou soos 'n warm Suid-Afrika Somer hier en eergister was die eerste dag van die Winter!
Ons het darem sneeumanne hier


Nutcrackers in 'n winkelvenster, dit herinner my aan die balletopvoerings wat ek en 'n vriendin elke jaar net voor Kersfees gaan kyk het in Engeland. Een jaar het ons die Nutcracker gesien, dit was wonderlik.
Hierdie tyd van die jaar het die Britte mos pantomimes en allerhande ander Kerskonserte.


Die Yank is uit om inkopies te gaan doen! Ek wou nie 'n geskenk he nie, maar dis ons eerste Kersfees saam, so ons wil dit spesiaal maak.
Hy het tot 'n kalkoen gekoop! Ek het nog nooit een gaar gemaak nie, so ek hoop dat dit goed gaan.
Ons gaan so baie kalkoen he, dat ons dit sal moet uitdeel more middag.
Ai, die vreugde van eet met die kersseisoen, dit herinner my net weereens aan hoeveel seeninge ons nog steeds het.

kersfees tuiste

Welkom in ons huisie!
Ek het 'n paar foto's van ons kersversierings vandag. Ek moet myself altyd inhou, om nie te veel geld te spandeer op versierings nie en vandat ek al die mooi goed in mense se huise sien, deur hulle blogs, is dit nog erger.
Ek probeer ook altyd onthou waaroor kersfees regtig gaan.
So, kom binne!

Ek het gedroogde lemoene met naeltjies aan die gordyn stok gehang, by die voordeur, met wit en rooi, houtversierings wat Skandinawies lyk vir my.
Ek hou nogal van my lemmetjiegroen gordyne, so saam met die rooi. Volgende jaar sal ek 'n Somer kersfees hou, met eiland versierings, maar hierdie jaar, verlang ek nog na die koue in Europa.

Ek het hierdie opeetbaar oulike kersboom kers gekry vir baie goedkoop, ek dink daaraan om terug te gaan en meer te koop vir vriendinne vir kersgeskenke


Ek het sommer twee groot servette gebruik om die tafel in die kombuis feestelik te laat lyk. Ek hou baie van die wit en rooi saam, miskien gaan ek sommer die kombuis rooi los van nou af.


Gips en spieel engeltjie en duif voor die kombuis venster.


Ons, baie 'messy' kersboom, ek het al die versierings wat ek al ooit gekry het ( behalwe die wat nog in Suid-Afrika weg gepak is) daaraan gehang. Ek het in die vorige inskrywing vertel van my vriendin se netjiese boom met withuis versierings, wel myne is 'n warboel van allerhande tipes versierins, maar ek is mal daaroor.
Dit is my eerste rerige kersboom ooit, dit maak my baie bly!
Kyk die Yank se kerskous, ook die eerste vir my.


Hierdie handoek en waslap is vir my so mooi, 'n gemmerbroodmannetjie en 'n Hansie en Grietjie koek en lekkergoed huisie! Die Yank waag dit darem nie om sy hande daaraan af te droog nie.
Roomkleurige handoeke en mans gaan mos nie juis saam nie.
My rowwe, hout, klip en glas kruis van Nieu-Beteshda, teen die muur.



Hierdie is my enigste 'nativity scene', dit is 'n baie klein glas versiering, wat ek verlede jaar as 'n geskenk gekry het en ek is so gek daaroor. Ek wil baie graag 'n nativity scene he en wil kyk of hulle dit goedkoop uitverkoop na kersfees.


Kersfees het my onverhoeds gevang hierdie jaar, ek dink dit is omdat ek nie meer gewoond is aan warm weer in Desember nie.
Volgende jaar sal ek vroeer begin en meer versierings en geskenke maak.
Ek wil baie graag meer versierings he, wat ons sal herinner aan Jesus se geboorte wat ons vier. Ek het ook nie advent kerse of 'n advent kalender hierdie jaar nie, ek hoop om dit volgende jaar te he.
Meer foto's van die eiland met kersfees sal volg.

withuis kersfees

Vandag is 'n gepaste dag om my withuis kersfees inskrywing te doen. Dit het baie goed gegaan met immigrasie gister. Ek is oppad om 'n African-American te word! :D
Hierdie is net die eerste treetjies, maar ons het nou al so ver gevorder.
Ek was baie op my senuwees, die immigrasie beampte het ons apart ingevat vir onderhoude en ek was so bekommerd sy dink ons is nie regtig vir liefde getroud nie, ons het selfs van die goed verkeerd gese, 'n mens kan mos nie alles onthou nie!
Ek het nooit eens daaraan gedink dat ek dalk gedoperteer kan word nie, eers toe ek daar sit, geskei van die Yank, het dit my maag op 'n knop laat trek.
Alles het toe goed afgeloop, nou sal dit weer 'n rukkie vat voor ons weer die volgende stap moet vat.

Soos ek se, hierdie is my withuis kersfees pos. Kyk net daardie groot kersboom wat daar by die withuis aankom, ek sal graag so 'n grote wou he! Die foto het so 'n ouwereldse gevoel, ek is mal daaroor.
Ek sal ook daarvan hou om soveel kersbome te he, soos wat Laura Bush het!

Die kersboomversierings hieronder behoort aan 'n vriendin van my. Die withuis gee 'n kersversiering uit elke jaar en Cindy se ma stuur vir haar twee kinders die nuwe versiering elke jaar. Sy het erens in die tagtigerjare begin.
Dit het eers vir my so kitch gelyk, miskien omdat ek nie gek is oor goud nie, maar nou begin dit al hoe meer spesiaal lyk.
Die detail is ongelooflik, elkeen lyk anders en het die jaar se datum op. Fantasties!
Hierdie Amerikaners weet hoe om kersbome en huise te versier met kersfees.


Die eerste withuis troue!

kuba kersfees

Vandag voel dit asof iets my jaag, ek het soveel dinge om te doen en ek weet nie waar om te begin nie.
Verder voel ek ook nie te wel nie, wie sou kon dink dat 'n mens verkoue kan kry op 'n tropiese eiland, mmmmm.
Ek wil so graag werk in my kuns joernaal, maar more is ek en die Yank se eerste persoonlike onderhoud met immigrasie, om te bewys dat ons regtig getroud is. Ons het gegrap vanoggend en gese ons gaan hulle se dat hulle net na ons 'voor' en 'na' foto's kan kyk om te sien hoe gelukkig ons is. Daar word mos vertel dat gelukkige getroude pare gewig optel, wel hulle hoef ons net een kyk te gee...
So, ek moet by die kopiering plek uitkom om afdrukke te maak van elke liewe dokument wat ons ooit in ons lewe gekry het.
Ek moet klere was, o ai toggie, my arme man het glad nie meer werkshemde om aan te trek nie.
Daar is tonne kersfeesinskrywings wat ek wil maak hier.
Ek het die mooiste hout hartjies gekoop en wil dit versier vir die kersboom, ek kry nooit genoeg van kersversierings nie!
Dan moet ek nog begin met die Yank se verjaarsdag kaartjie ook, ja-nee, hy verjaar toe mos nogal 5 dae voor Kersfees!
Hy wil nie geskenke he nie, net een van my tuisgemaakte kaartjies en ek het min dae oor vir dit.



Die foto van die kersboom is geneem in een van die mees luuksieuse hotelle in Kuba.
Ons het daar geslaap met ons laaste nag in Kuba, omdat ons te laat was vir ons vlug en die redery ons sitplekke weg gegee het, toe het hulle ons in die Melia Cohiba ingeboek.
Dit was vol prag en praal, wat 'n mens natuurlik nie sien in die res van Kuba nie. Op daardie stadium was dit ook onwettig vir Kubane om in die 'toeriste' hotelle te bly. Ons was regtig vies oor al die luuksheid, na 10 dae wat ons in privaat mense se huise tuis gegaan het en gesien het in wat se armoede hulle bly.
Blykbaar is Kersbome stadig maar seker besig om terug te keer na Kuba toe, soos wat kapitalisme stadig maar seker inkruip en sosialisme uitkruip. Daar is steeds baie onderdrukking van die mense, maar dit sal hopelik nie vir altyd aanhou nie.
Hierdie foto was op 'n blog van 'n Kubaanse vrou wat 'onwettig' blog vanuit Kuba. Hierdie inskrywing is so lank ek sal nog oor haar skryf.
Ai, nog iets wat ek wil doen.
O ja, en ek moet nog foto's neem van die kersversierings in die dorp, dit is so oulik, so hier gaan ek, ek sal maar moet begin by die begin vandag. :D

my kersfees huis

If I decorate my house perfectly with plaid bows,
strands of twinkling lights and shiny balls,
but do not show love to my family,
I'm just another decorator.

If I slave away in the kitchen,
baking dozens of Christmas cookies,
preparing gourmet meals and arranging
a beautifully adorned table at mealtime:
but do not show love to my family,
I'm just another cook.

If I work at a soup kitchen,
carol in the nursing home,
and give all that I have to charity;
but do not show love to my family,
it profits me nothing.

If I trim the spruce with shimmering angels
and crocheted snowflakes,
attend a myriad of holiday parties
and sing in the choir's cantata
but do not focus on Christ,
I have missed the point.

Love stops the cooking to hug the child.
Love sets aside the decorating to kiss the spouse.
Love is kind, though harried and tired.
Love does not envy another's home
that has coordinated Christmas china and table linens.

Love does not yell at the kids to get out of the way,
but is thankful they are there to be in the way.
Love does not give only to those who are able
to give in return; but rejoices in giving
to those who cannot.

Love bears all things,
believes all things,
hopes all things, and endures all things.
Love never fails.

Video games will break,
pearl necklaces will be lost,
golf clubs will rust,
but giving the gift of love will endure.

--Author Unknown

kindergesiggies

♪♫♪ As Hy weer kom,
as Hy weer kom,
kom haal Hy Sy pêrels,
al Sy pêrels, fraaie pêrels,
vir Jesus se kroon.
Ja die kindergesiggies
soos die sterre se liggies,
is die hemel se pêrels
vir Jesus se kroon!♪♫♪
(dankie Pikkie :), mens kan sien dat jy kleintjies het, ek het dit gister probeer sing, maar kon nie al die woorde onthou nie!)


Die Kersfees viering met die kinders was toe wonderlik gewees. Hulle het speletjies gespeel, geeet, pryse gewen en borrels geblaas. Almal het 'n lekker dag gehad, die Yank het tot 'n rooi neus gehad van die warm son.
Dit was so lekker om die gesiggies dop te hou, opgehelder van vreugde. Soos ek reeds tevore gese het, baie van hierdie kinders (maar nie almal nie) is van minder gegoede huise. Hier op die eilande is dit ook baie algemeen dat die kinders uit enkelouer huise kom, die mans is nie baie getrou nie en het soms meer as een familie, selfs op ander eilande. Hierdie kinders is baie uitgehonger vir liefde en net so is ek en die Yank uitgehonger vir kindergesiggies en laggies, so dit is lekker om deel te neem aan sulke geleenthede. Kliek op die mosaiek om die oulike gesiggies van naderby te sien.

Die dag het my aan die volgende liedjie van Steven Curtis Chapman laat dink.

eiland kersfees

Christmas waves a
magic wand over this world,
and behold,
everything is softer
and more beautiful.
~Norman Vincent Peale

Ons eiland is 'n wonderwereld op die oomblik. Ek is heel verras met hoe baie liggies en kersbome oral verskyn het.
Ek het seker maar vergeet dat Kersfees steeds kan mooi lyk in die hitte van die Somer, maar dit lyk so mooi hier nou.
Ons het selfs liggies in die strate, ek het dit nie verwag nie, so dit is 'n wonderlike verrassing.





Ons is baie besig deesdae met Kersfees dinge, ek dink nie ek was al ooit so besig gedurende hierdie tyd nie.
More gaan ons help met die Kersparty vir die kinders wat die Somerkamp bygewoon het, hulle is van minder gegoede huise, so dit is altyd goed om te sien hoe hulle hulleself geniet.
Lekker naweek almal.

advent fees

Die advent fees verlede Saterdag was toe heel lekker. Die kinders het koekies versier ( tot die seuns, hulle was te oulik ) kunswerke gemaak, ons het Kersfees liedere gesing, geeet en lekker gekuier. My 'Chrismon' figuur vir die Kersboom het toe nogal mooi uitgekom, maar ek het nie 'n foto geneem nie en dis aan die boom by die kerk.







Hierdie is my eerste Kersfees in 'n warm klimaat, na 5 jaar in die koue van Europa, ek moet nog eers weer gewoond raak daaraan. Dit voel nie eens soos Kersfees nie, maar ek het ons boom op en wil koekies bak!
Sal nog 'n pos doen oor my boom.
Ek het al my eerste geskenk gekry! Dankie Pikkie.

advent

Vandag maak ek my versiering vir die Chrismon boom, vir ons Advent fees die komende Saterdag.
Dis 'n morsige affere, so met die snesies en die decoupage goete, maar nogal lekker. Ek sal 'n foto opsit, as dit mooi genoeg uitkom.
Ek mis die koue, donkerte met feetjieliggies oral, van 'n Europese Kersfees. Dit voel nie eens of Kersfees nader kom nie, maar daar is soveel kans om mense te dien hier op die eiland. Soveel behoefte, so min gewillige hande.
Die video hier bo was baie gepas vir my, ek dink te veel van ons spandeer te veel geld op onodige dinge gedurende die Kersseisoen en ons vergeet wat dit regtig beteken.
Ek eet altyd te veel en doen te min, maar hierdie jaar sal ek probeer om beter te doen.
So, ons tel die dae af tot Kersfees, voor ons weet is dit alweer verby.
Ek wens vir elkeen 'n streslose advent toe.

kom ons staan saam

From the award-winning documentary, "Playing For Change: Peace Through Music", comes the first of many "songs around the world" being released independently. Featured is a cover of the Ben E. King classic by musicians around the world adding their part to the song as it travelled the globe.



"Although the world is full of suffering, it is also full of the overcoming of it."
Helen Keller

desember

Desember in my
Mucha kalender.

Desember het aangebreek, met stories van tereur aanvalle in Mumbaai,
barbare wat 'n assistent in 'n Walmart doodgetrap het, toe 2000 van hulle by die deure ingestorm het om hulle afslag inkopies te doen en vele meer treurige gebeurtenisse oral oor die wereld.

Vandag is internasionale vigs dag.
Kliek, kliek

en na dit alles, wonderwoorde van Carol Ann Duffy:

The year dwindles and glows
to December's red jewel,
my birth month.

The sky blushes,
and lays its cheek
on the sparkling fields.

Then dusk swaddles the cattle,
their silhouettes
simple as faith.

These nights are gifts,
our hands unwrapping the darkness
to see what we have.

The train rushes, ecstatic,
to where you are,
my bright star.

~ Carol Ann Duffy, from Rapture

danksegging

"The First Thanksgiving", painted by Jean Leon Gerome Ferris (1863–1930).

More is dit "Thanksgiving" hier.
Ek se dankie vir al die wonderlike seeninge in my lewe.
Kos
Klere
Asem
Hoop
Vrede
Geloof
Genade
Liefde
Vryheid
Gesondheid

Mag elkeen wat hier lees dit ook he.
geskiedenis

hoop in Irak

Omdat die liberaal leunende/Bush hatende media in Amerika dit nie wil erken nie, doen die bloggers dit
Kliek op die links van die hoof blogs of scroll tot onderaan die blog inskrywings en kyk ten minste na die foto's.


'n Video van 2007

armsvol liefde

Dankie.

Sarah geoffer.

My gedagtes was in so 'n warboel die afgelope dae, ek weet nie waarheen om met hierdie blog te gaan nie.
Dit was oorspronklik bedoel as net 'n tipe van 'n dagboek, ek het nooit eens gedink dat iemand dit sal lees nie. Dit is waarom ek in Afrikaans begin het, toe begin ek meer internasionale blogs lees en praat met hulle, maar hulle kan nie terugpraat hier nie. So, ek weet nie, ek gaan of heeltemal ophou, of my taal verander of heeltemal verander waaroor ek blog.
Eintlik het ek alle lus hiervoor verloor, ek lees nie eens meer ander blogs nie.
Sal maar moet sien.
Ek wou lankal die volgende foto's deel, hierdie is die foto's van 'n vrou, vir wie ek verskriklik baie respek het. Iemand wat nie verdien wat aan haar gedoen is nie. Sy is gevat vanuit haar suksesvolle wereld en op die wereldverhoog gesit, om 'n party wat nie kon oorleef nie, te red.
Sy het haar bes gedoen, is verneder deur 'n media wat met alle mag die oposisie in beheer wou he en nou word sy gekruisig deur lede van haar eie party.
Ek weet dat gese word dat 91% van Republikeine steeds 'n positiewe opinie van haar het, maar dit breek my hart wanneer my oorsese vriende dink dat sy 'n 'airhead' is.
Dit is ongelooflik hoe die aanmekaar gelaste onderhoude en die leuens van mense, ons beeld van iemand kan vorm.
Sy sal nooit die leuens wat oor haar vertel is kan oorleef nie, sy wou boeke verban, sy wou he dat verkragte vrouens vir hulle eie 'rapekits' betaal, sy glo in dit en sy glo in dat, sy het dit gedoen en sy het dat gedoen.
Dit maak nie saak HOEVEEL keer dit bewys is dat dit alles leuens was nie, mense glo dit nog steeds.
Sy is 'n vrou wat so baie dinge in haar eie staat bereik het, maar sy is gekruisig deur die liberale wereld waarin ons leef.
Hulle wou 'n vrou op die wereldverhoog sien, maar asseblief tog net nie een met konserwatiewe waardes nie, behoede ons!!
Ek lees nou die dag 'n aanmerking op 'n blog, die ou het geskryf: "I will take a bullet for this woman."
So, voel ek ook.
Hier is sy met haar baie kosbare babaseuntjie, Trig, die baba met down sindroom ( deesdae word 90% van baba's met down sindroom geaborteer in Amerika ) en twee van haar dogters.











Sarah, ek sal ook 'n koeel vir jou vat!

woorde wat lewe gee 5

Die Yank en ek se seker honderde keer elke dag vir mekaar dat ons mekaar liefhet, maar gister het ek 'n tydjie gevat en hom mooi vertel, hoe vreeslik ek hom waardeer en dat hy my rots en my hero is.

Toe se hy: "Our hearts are knitted together, Love."

My man WEET hoe om lewe te gee met sy woorde, nie net aan MY nie, maar ook aan ander mense.

die lug is steeds blou

Ek lees gister een van die Kubaans-Amerikaanse blogs, waarin die ou se dat 'n vreemde ding gisteroggend gebeur het. Hy het opgestaan en toe hy buite die huis kom toe het die son opgekom en sy honde het by die deur uitgehardloop en hulle bene gaan lig, hy het koffie gedrink en sy twee dogtertjies more gesoen.

Dit klink miskien na 'n vreemde storie, maar miskien is dit meer verstaanbaar as mens onthou dat hierdie Kubane vanaf Kuba gevlug het, nadat Fidel Castro sy revolusie gewen het. Hy het 'change' belowe en het Kuba toe in 'n sosialistiese land verander.
Hulle het nog al hierdie jare bankvas agter die Republikeinse party gestaan, wat nog altyd vasgeskop het teen Castro. Hulle vertrou nie die Demokrate nie en het nog nooit in groot getalle vir hulle gestem nie. Hierdie jaar het Obama baie hard gevry vir hulle stem en almal het gedink dat hy daarin geslaag het om dit te kry.
Die verkiesing wys toe anders, die meeste Kubaans-Amerikaners het weereens vir die Republikeinse kandidaat gestem.
Hulle het vas gestaan en gese, nooit sal hulle weer deur iemand om die bos gelei word nie, hulle se dat die charisma van Obama hulle herinner aan die van Castro.
Dit, laat die van ons wat saam met hulle staan natuurlik nie gemakliker voel nie.

So, in die lig hiervan kan mens verstaan hoekom hierdie man gedink het dat die son nooit weet gaan opkom nadat die Demokrate die Wit huis gevat het Dinsdag nag nie.

Ek, het ook weereens besef, dat die lug STEEDS blou is.

Vandag, praat ek oor een van die dinge wat my verskriklik en volkome DANKBAAR maak in hierdie lewe:

Die Yank.

Ek het die wonderlikste man in die wereld, wat my ongelooflik baie liefhet.
Hy is 'n tradisionele, maar ook 'n moderne man, ek het nog altyd gese, dat ek nooit met 'n man sal kan trou, wie ek nie respekteer nie en ek het die man gekry vir wie ek nie anders kan nie, as om die hoogste respek in die wereld te he.
Hy bring die beste in my uit, werp lig op my tekortkominge en laat my skaam kry vir myself, wanneer ek onvriendelike dinge oor ander mense se.
Hy het die hoogste werketiek en selfs sy medewerkers kan nie help om hom te respekteer nie, selfs nou nadat hulle uitgevind het dat hy glad nie polities met hulle saam stem nie.
Hy werk meestal saam met Rasta-ouens van die eilande, wat nou sy siel uittrek omdat sy kandidaat verloor het.
My man vat dit soos 'n man en grap terug, al wroeg dit hom diep in sy siel.
HY kry trane in sy oe oor die geringste hartseer situasie, selfs in flieks, maar tog is hy een van die sterkste mans, wat ek ken.
Die wonderlikste ding in my lewe, is om langs hom wakker te word in die nag en sy warm liggaam, daar langs my te voel.
Dit vat die alleenheid weg, veral omdat ons absoluut op dieselfde golflengte is in alle aspekte van ons lewens.
Ek het baie lank gewag vir hom en die wag was totaal en al die moeite werd.

My man ROCK!

toe gaan ons vir die 'cool guy'

So, ons word wakker in 'n nuwe wereld. 'n Amerika met 'n nuwe President-elect, die Amerikaners het gepraat....
Amper die helfte van die mense in Amerika, is nie baie gelukkig vandag nie, die ander, net oor die helfte is in ekstase, saam met die res van die wereld.
Ek weet nie wat dink ons troepe en die Amerikaanse Jode, wat in Israel bly, vandag nie, meer as 70% in beide groepe, het hom nie gekies as President nie.
Feit is, ons het hom en hy is gelukkig, dat konserwatiewe mense nie op riots gaan nie.
Nee, ons is mos bitter en klou vas aan ons gewere en ons geloof, soos ons nuwe President-elect, nie so lank terug, gese het nie, maar ten minste hou ons onsself in.
So, nou sit ons en wag dat hy die wereld begin gesond maak, dit is mos wat hy belowe het.
Hy kan begin by die President van Somalie, wat al klaar hoop dat hy die probleme in sy land gaan kom uitsorteer of hy kan begin om petrol in Peggy se kar te gooi, of haar huisverband af te betaal.
Sy was een van die opgewonde ondersteuners waarmee 'n onderhoud gedoen is nadat ons President-elect, een van sy toesprake gehou het.
Ek voel nogal vandag soos ek gevoel het toe die ANC aan bewind gekom het in SA, verlig dat swart mense nou kan ophou om 'witmense' te blameer vir al hulle probleme, of in hierdie geval liberales wat konserwatiewes blameer.
Ons is bang, regtig bang vir wat 'n Obama presidensie aan Amerika gaan doen, hy het belowe hy gaan ons steenkool produksie so hoog belas, dat dit bankrot sal raak. Hy het belowe om energie pryse te laat 'skyrocket', dit is nie wat Amerika, nou nodig het nie.
Hy is daarop uit om klein besighede so hoog te belas, dat hulle nie sal kan voortbestaan nie, die Yank werk vir een van daardie, so ons voel dit aan ons lyf.
Die Yank, het amper 'n hartstilstand gekry, toe hy gesien het wat Sen. Obama se belasting behels vir Amerika, net 'n voorbeeld, hy wil mense wat geld erf so hoog belas, dat omtrent 40% van die erfgeld, na die staat toe gaan.
Hy glo ook, dat daar nie genoeg reperasie gedoen is aan swart mense na slawerny nie, selfs al is slawerny alreeds in 1856 beeindig.
Dit is interressant dat meeste mense wat gevra is, gese het dat een van die redes dat hulle vir hom gestem het, was omdat hy swart is, ten minste het Amerika aan die wereld gewys dat dit nie so rassisties is soos wat hulle gedink het nie.
Dan weer, een of ander swart persoon, het die ander dag gese dat Amerika steeds rassisties is, want Obama is net half swart....
Wat help dit egter om die goedkeuring van die hele wereld te he, as jou eie land bankrot raak.
Daar was sprake dat Wallstreet net gewag het vir 'n McCain oorwinning, om te herstel, maar dat dit dieselfde sal bly, met 'n Obama oorwinning, ons sal moet sien wat gebeur.*
Een ding waaroor ek baie bly is, is dat die Bush- en Palin-bashing (miskien) nou sal stop, ek het geleer hier in Amerika, dat liberale mense net 'tolerant' is, wanneer 'n mens saamstem met waarin hulle glo, anders verander hulle in die vreemdste wesens, wat die aakligste haat kan uitspuug, wat ek nog ooit aanskou het.
Gelukkig sal ons nou ook nie Hollywood sterre en feministe by vensters sien uitspring of in massas Kanada toe sien verhuis nie, dit is altyd 'n bonus.
Die meeste mense in Amerika, hoop vandag dat ons nuwe President-elect, nie regtig so ver links is soos sy rekord se nie, ek dink egter die wat hoop dat hy al sy beloftes in sy toesprake gaan nakom, gaan lank wag.
So, baie geluk met die oorwinning President-elect Obama, ons sal jou ondersteun, want ons glo dat 'n President dit verdien en nie die 'bashing' wat gewoonlik deur die liberales aan 'n konserwatiewe President toegedien word, die hele tyd wat hy aan bewind is nie.
Natuurlik wil ons jou suksesvol sien, want ons is lief vir hierdie land en hierdie nasie en Amerika verdien dit.
Bo alles egter, sal ek vir jou bid, want ja, ek is een van daardies wat vasklou aan my geloof.

Dankie ook aan almal wat gebid het vir ons verkiesing.

Die foto hier bo is soldate en offisiere tydens WWI, dink net die ongelooflike werk wat ingegaan het in die koreografie, om die beeld te vorm, in daardie tyd waar hulle mos nie al die tegnogologie gehad het wat ons vandag het nie.
Kliek op die foto, dit is regtig iets besonders.

****Opgedateer- 6 Nov 2008
Gaan kyk HIER, wat Wallstreet toe se.
mmmm, interressant......

demokrasie

nou vir die lang wag...

November

November in my Mucha kalender.

Net 'n paar gedagtes oor my aborsie pos van die ander dag. Dankie vir al die reaksies, positief en negatief. Jammer, ek gaan nie reageer op enige e-posse nie, ek voel te emosioneel oor die saak.
Ek oordramatiseer nie, wanneer ek sé, dat ek die afgelope weke miljoene trane hieroor gestort het nie.
Dit is 'n kwessie wat letterlik besig is om my hart uitmekaar te skeur, daar is 'n diep wroeging in my siel hieroor, dit is iets waaroor ek nie eens kan praat, sonder om te begin huil nie.
My diepste wese word aangeraak hierdeur en ek maak geen verskoning daarvoor nie.
Ek het al te naby gekom aan aborsie in my lewe en wat ek gesien het, is afskuwelik.
So, ek gaan weg wees van hier af vir 'n paar dae, ek vra weer, dat die van julle wat glo in God, asseblief sal bid vir ons verkiesing hier, in Amerika, hierdie komende Dinsdag.
Ons weet dat dit nie rérig saak maak, wie ONS in 'n posisie van mag wil hé nie, maar wie God wil.
Mag Sy wil geskied.

kyk versigtig

Onthou julle nog hierdie tipe prente, probeer om nie te fokus nie en kyk wat sien jy:

My hart.

'n uitroep aan alle gelowiges

Hierdie is 'n uitroep aan almal wat glo in ons Hemelse Vader en wat glo dat die lewe heilig is.
Die van julle wat nie net glo in God nie, maar wat ook glo dat elke lewe belangrik is, vanaf die oomblik van bevrugting.
Die van julle wat glo dat selfs die klein blob, wat nie eens soos 'n mens lyk nie, die reg het om te lewe.
Ek is ontsettend aangeraak deesdae deur die kreet van die miljoene klein wesentjies wat geaborteer is sedert aborsie wettig geword het.
Oor die 43 miljoen, net in Amerika, sedert die sewentigerjare.
Ek smeek julle, bid vir die verkiesing hier in Amerika. Die hele wéreld dink dalk dat 'n Obama regering beter gaan wees vir die wéreld en vir Amerika.
Hoeveel mense weet egter dat hy belowe het dat die eerste ding, wat hy sal doen as President, is om die aborsie wet te onderteken. 'n Wet wat so radikaal is, dat dit fondse gaan wegneem van swangerskap krisis sentrums en fondse gaan gee vir aborsie klinieke. ( Hulle noem dit 'planned parenthood' hier, maar dit is net 'n beter woord vir aborsie kliniek ) Hy gaan ons belasting geld vat en dit gee vir aborsie klinieke!
Dit is een van die dinge waaroor Obama geflip flop het in hierdie verkiesing, soos oor meeste van die dinge waarin hy glo, in sy stryd om aan te pas, sodat hy meer middel van die weg kan voorkom vir kiesers.
Dit is egter oor en oor bewys dat sy rekord sé, dat hy baie radikaal is, wanneer dit kom by aborsie.
Hy is die man wat sé, dat dit 'above my paygrade' is om te besluit wanneer lewe begin. Hy is die man, wat sé, dat hy nie wil hé, dat sy dogters met 'n baba 'gestraf' moet word, as hulle 'n 'fout' sou maak nie!
Hy is een van die enigste senators in die Amerikaanse regering wat gestem het TEEN die 'infants born alive act' iets wat so erg is, dat sy ondersteuners nie wil erken dat hy dit gedoen het nie.
Hyself het nou al rond geflip flop met verskonings vir die rede waarom hy die wet teengestaan is, maar daar is nou al oor en oor bewys dat hy oneerlik is oor waarin hy glo.
Vir die van julle wat nie weet waaroor dit gaan nie, dit is die wet wat babatjies beskerm wat aborsies oorleef. Die wet gee daardie babatjies die reg tot mediese sorg, wanneer hulle 'n aborsie oorleef.
Ja, in sommige state in Amerika word aborsies selfs in die laaste trimester van swangerskap gedoen!
Daar is selfs iets soos 'partial birth abortion' waar babatjies halfpad gebore word en dan word hulle DOODGEMAAK deur die aborsie dokter!
Ek kan nie begin om julle te vertel hoeveel miljoene trane ek gestort het in die afgelope weke nie! Dit is 'n saak wat SO naby aan my hart is, dit skeur my hart uitmekaar.
Onthou dat die meeste aborsies in Amerika gedoen word op swart en Latynse vrouens.
Die liberale media in Amerika, wil die wéreld laat glo dat alle swart mense in Amerika agter Obama staan, maar kyk na die volgende video.
Dit is Dr Alveda King, Dr Martin Luther King Jr, die bekende 'civil rights' vegter se broers of susterskind, sy is 'n baie groot pro-life ondersteuner en staan aborsie teen, nadat sy self 'n aborsie gehad het as jong meisie.


Kyk ook na die wonderlike getuienis van Gianna Jessen, sy het 'n aborsie oorleef en veg nou vir die reg vir ander baba's wat aborsies oorleef.




Ek was te lank bang om oor politiek te praat hier op my blog, maar ek kan nie langer stilbly oor hierdie saak nie.
Kan ek vra vir julle gebede asb. en om nie op te hou as Obama die verkiesing wen nie, maar om asb te bid dat sy hart sal verander teenoor die mees kwesbare wesentjies in Amerika!
Die lewetjies, wat uit hulle moeders se baarmoeders geruk word en op vlekvrye staal tafels in hospitale gelos word om te sterf...

Kyk HIER vir bewyse van wat ek hier geskryf het.

ons oorleef (foto's)

Dankie vir almal se besorgdheid, ons het oorleef!
Omar het toe so 'n draaitjie gemaak, net toe hy by die eiland kom en sy ergste mag is oor die Oostelike deel van die eiland, ons is aan die Westelike kant.
Dus is alles op die eiland nie verwoes nie, maar dit wat verwoes is, is nogal erg.
Ek sal later foto's plaas, ons het steeds nie krag nie, net 'n kragopwekker. Ek kan dus nie te lank op die internet wees nie en ek MOET opvang met die politieke nuus vanuit Amerika!
Dit is ongelooflik hoeveel 'n mens verloor deur net twee dae van die internet afgesny te wees.

Kliek op die foto. Kyk hoe daardie scary maalkolk op ons af gepeil het...


22 Oktober 2008

Ons krag is terug, maar dit sny nog steeds uit so vier keer 'n dag, frustrasie, maar ten minste het ons weer krag!
Hier is die foto's wat ek belowe het.
Hierdie is almal bote in ons hawe, die eienaars het gedink die orkaan gaan nie sterk wees nie, of hulle het die bote nie goed genoeg vasgebind nie, of die eienaars het nie omgegee nie ( daar is selfs sprake dat sommige hul bote nie goed vasgemaak het nie, sodat hulle kan eis van hulle versekering )

Hierdie is die eerste gesig wat ons begroet het, by die hawe en wat ons laat besef het dat daar groter skade was as wat ons gedink het:






Die Yank se dat daar geen verskoning is vir al die motorbote wat gekelder is nie, hulle kon verwyder gewees het na 'n veilige hawe op kort kennisgewing, dit is die seilbote wat moeiliker is.








Kyk hoe het 'n deel van die kaai afgebreek:


Ons lieflike 'boardwalk' aan flenters:




Bote wat teen mekaar vasgespoel het, een bo op die ander een teen aan die kaai, 'n mens moet jammer voel vir die ou wat sy boot goed vasgemaak het en toe word dit meegesleur deur 'n ander ou se boot:


Die Yank ken meeste van hierdie bote, hy was 'n seilinstrukteur vir 5 jaar vanuit hierdie hawe.
Hy was BAIE verlig om sy 'ander' vrou- Vixen te sien, sy is die boot in die middel van die foto. Die van julle wat seemanne en hulle bote ken sal weet dat 'n seeman oor sy boot voel soos oor 'n vrou!


Damme waar gewoonlik paaie is:


Kragdrade en pale op die grond, oral oor die eiland, daar is baie skade aangerig aan die plantegroei en baie bome is ontwortel, maar die foto's daarvan doen nie reg daaraan nie:


Hierdie is een van die bote wat die Yank vasgemaak het voor die orkaan ons getref het, kyk net al die toue, voor- en agter aan haar en sy het mooi netjies bly staan:


Foto's geneem by die seiljagklub, baie bote het gesink en 'n paar is op die strand uitgespoel


Kyk die Hobbiecat in die boom, net langs die klubhuis:


Ons is dankbaar dat dit net 'n kategorie 2 of 3 orkaan was en dat dit ons nie reg in die middel van die eiland getref het nie, kan julle dink hoeveel skade dan aangerig sou gewees het.
Die ergste vir my was om in die huis te sit met die orkaan shutters voor die vensters en om die wind buite te hoor waai, my man is al deur twee baie sterker orkane op die eiland en hy se dat die geluid van die loeiende wind verskriklik angswekkend is.
Vir my was Orkaan Omar erg genoeg, ek wil nie 'n sterker een beleef nie!